Lơ̆m kơmăng Noel dôm Hnam khop tơ̆ dêh char Kon Tum, mă loi jĭ dôm hnam khop tih nhen: Hnam khop tơ̆r, Hnam khop Tân Hương… đei hơmet pơrŏ tôch ‘lơ̆ng. Đơ̆ng hrôih đei lơ kon pơlei kiơ̆ khop năm tơ̆ hnam hơkŭm vang akŏm lơ̆m gơmăng Trŏng sơng kră yang jur. Mât hơdai hăm jơhngâm đon chơt hơiă, lơ bơngai ưh đei kiơ̆ lui khop kŭm vang năm ngôi tơ̆ hnam khop, vang sơng sơnăm ‘nao, hăm ƀĕnh tơdrong chơt hơiă ‘nă hal.

Ƀok soi Trần Tấn Việt, Ƀok soi vei lăng Hnam khop tơm Kon Tum, tơroi bơ̆ jang kiơ̆ trong tơlĕch đơ̆ng Khul vei lăng lui Công giáo Việt Nam tơlĕch ăn sơnăm 2024 ‘nŏh “Hơtŏk tơdrong vang pơvih ăn tơdrong arih xa kơ Khul lui”, Hnam khop tơm đei lơ trong jang tôch hơdăh vă bơ̆ jang dôm tơdỏng jang lơ̆m khul lui kŭm nhen vang bơ̆ jang tơiung pơlei pơla.