Vang akŏm tơdrong jang đei hloh 400 ‘nu bơngai jang tơgŭm kŭm hăm lơ lap kang ƀô̆, bơngai jang teh đak, bơngai jang păng kon pơlei lơ̆m dêh char.

Tơdrong jang ƀrê - Kơ toh pham păih Tu Tây Nguyên sơ năm ‘nâu, Anih pơgơ̆r jang krao hơvơn plang song pham tơgŭm dêh char Kon Tum tơlĕch tơdrong tơm tơ roi tơbăt ăn kơ 8.000 ‘nu bơngai găh tơdrong tơm, tơdrong ‘lơ̆ng đơ̆ng tơdrong plang song pham tơgŭm păng krao hơvơn, sơng iŏk tôch ai hloh 2.300 tơpu pham. Kơtơ̆ng ang đơ̆ng Anih pơgơ̆r jang krao hơvơn plang song pham tơgŭm dêh char Kon Tum ăn ƀôh sơnăm âu ki lơ̆m dêh char đei hloh 9.000 ‘nu bơngai chih măt plang song pham; hloh 34 ‘măng plang song pham tơgŭm sơng iŏk đei hloh 6.800 tơpu pham yak hloh tơdrong hơgăt tơlĕch ăn.