Mă hơdăh, Anih vei lăng kon pơlei apŭng Kon Plông, dêh char Kon Tum tơlĕch hla ar chih, athei bơngai jang lơ̆m Anih tang găn sar bar, chă dŏng bơngai răm păng tang găn hơdrol kơ apŭng năng kiơ̆ tơring đei pơjao, jăh jur tơ̆ tơring vă hơlen năng tơdrong hiong răm găh hnam oei, tơmam drăm, anih jang kơ teh đak, anih jang xa tơ̆ tơring vă đei trong hơmet pơ ‘lơ̆ng, tơtom tơgŭm dŏng đơ̆ng rŏng kơ đei teh dơdrŏ; jang hơdoi hăm Anih vei lăng kon pơlei dôm xăh, thĭ trơ̆n tơlĕch lơ trong tơjră hăm teh dơdrŏ; băt hơdăh đon hơpơi ‘mĕh, pơlung kon pơlei vei sơđơ̆ng jơhngâm hơnơ̆ng choh jang xa, pơm ‘lơ̆ng ăn tơdrong arih.

Dôm anih jang, khul grŭp găh Anih vei lăng kon pơlei apŭng păng Anih vei lăng kon pơlei dôm xăh, thĭ trơ̆n Măng Đen athei chih akŏm, roi tơbăt tơdrong hiong răm, gơih ăn Anih vei lăng choh jang xa păng atŏk tơiung tơring tơrang; hơnơ̆ng hơlen tơdrong hiong răm găh anih jang, tơmam drăm păng tơlĕch trong tơgŭm gơih ăn Anih vei lăng kon pơlei apŭng vă gơ̆h hơlen năng đei trong tơgŭm mă lăp.