Pơma ah jơ tơjrâ̆m, ƀok A Pớt, Phŏ Ƀĭ thư Anih jang juăt jang Tĭnh uy Kon Tum sơkơ̆t hơdah tơdrong tơgop kăp gĭt đơ̆ng dôm bơngai hŏk kơjung, bơngai jang joh ayŏ, jang ƀăo lơ̆m hơtŏk tơ-iung mŭk drăm kơ dêh char sơnăm 2023 đei 7,32%.

Sơkơ̆t hơdah sơnăm 2024 jing sơnăm tenh kuăng pơm kiơ̆ Tơchơ̆t Hop akŏm Đảng ƀô̆ dôm jăl jang păng tơchơ̆t hơtŏk mŭk drăm tơpôl jăl sơnăm 2021- 2025, Phŏ Ƀĭ thư Anih juăt jang Tĭnh uy Kon Tum A Pớt hơpơi ‘meh, rim bơngai hŏk kơjung, bơngai jang joh ayŏ, jang ƀăo pơtoi iŏk jang kiơ̆ tơdrong đei jơnei, hơdrin yak hadoi atŭm hăm Đảng ƀô̆, jơnŭm pơgơ̆r tơring păng tôm kon pơlei lơ̆m dêh char vă tơ-iung pơjing dêh char Kon Tum roi năr roi pơdrŏng pran kơtang, sơđơ̆ng păng hơtŏk tơ-iung.