Dêh char Kon Tum đei lơ đak krong, thong đak tôch hơmơt păng kơhrĕng tŏ dơnâu đak jrŭ, tih. Tơdrong glơ̆k tơ̆ đak đa đei hăm đe hơiŏh mă loi lơ̆m pơyan he.

Vă vei lăng sơđơ̆ng ‘lơ̆ng ăn vă jê̆ 168.000 ‘nu hŏk tro lơ̆m dêh char lơ̆m pơyan he sơnăm ‘nâu, dêh char Kon Tum krao hơvơn rim anih jang, tơring tơrang, hnam trưng, unh hnam păng đĭ đăng tơpôl hơtŏk tơdrong vei lăng vă găn tôch ai tơdrong pơ̆k rơka, mă loi jĭ glơ̆k tơ̆ đak hăm đe hơioh. Dêh char vă iŏk yoa rim tơdrong hlôi đei, pơgơ̆r tho glơi, roi tơƀôh trong veh ver kơ glơ̆k tơ̆ đak ăn đe hơioh; atŭm hăm ‘nŏh krao hơvơn hơtŏk đon pơtâp pơhrăm glơi lơ̆m tơpôl.