Dêh char Kon Tum hlôi tơchơ̆t trong tơlĕch jang khei ‘năr sơnăm hŏk ‘nao 2024-2025 hăm pơtho pơhrăm mầm non, pơtho pơhrăm phô thŏng păng pơtho pơhrăm hơnơ̆ng. Mĭnh lơ̆m dôm tơdrong athei đơ̆ng dêh char lơ̆m tơdrong jang hơmet ăn sơnăm hŏk ‘nao ‘noh jĭ ưh kơ lê̆ đei ƀôh thu iŏk jên lơ păng pơm pơmat ăn mĕ ƀă hŏk tro blŭng sơnăm ‘nao. Sơnăm hŏk ‘nao 2024-2025, dêh char Kon Tum đei vă jê̆ 350 hnam trưng mầm non, phô thŏng hăm kơsô̆ hloh 160.000 ‘nu hơioh păng hŏk tro. Sơnăm hŏk ‘nâu anih vei lăng găh pơtho pơhrăm dêh char hơdrin hơvơn pơđĭ hơioh lơ̆m sơnăm hŏk jăl 1 năm hŏk; hơvơn đĭ đăng hơioh tơ̆ sơnăm năm hŏk năm tơ̆ lăm hŏk; hơvơn đĭ đăng kơsô̆ hŏk tro hŏk đang jăl 1 hơnơ̆ng mơ̆t hŏk lăm 6 dơ̆ng, đĭ đăng hŏk tro jăl 1 đei hŏk 2 ‘măng lơ̆m 1 năr.

Yak mơ̆t lơ̆m sơnăm hŏk ‘nao, Jơnŭm pơgơ̆r kon pơlei dêh char Kon Tum hlôi đei Tơchơ̆t hơgăt kơ sô̆ jên nôp hŏk mầm non, hŏk phô thŏng hnam trưng teh đak sơnăm hŏk 2024-2025. Kiơ̆ kơ ‘noh kơsô̆ jên nôp hŏk tơ̆ dêh char đei klăih song jing tơring I, II păng III. Jên nôp hŏk tŏ sĕt hloh đei ‘măn ăn kơ Jăl 2 tơ̆ tơring III hăm 19.000 hlak jên 1 ‘nu hŏk tro 1 khei, lơ hloh ‘noh jĭ jăl hŏk Mầm non păng Trung học Phổ thông tơ̆ tơring I hăm 52.000 hlak jên 1 ‘nu hŏk tro 1 khei.