Akŏm xek tơlang kơhret rim tơdrong pơm glăi tơtông klĕ, ăn đe tŏk iŏk jên hăm jên chĕh lơ, tĕch mơdro tơmam drăm ya, pơmam drăm ưh kơ ‘lơ̆ng, kơ mlăi; atŏk kơtang năm pơtrui dăr joang vei lăng sơđơ̆ng trong gre nơnăm… ‘Nau jĭ dôm tơdrong jang tơm đei Kŏng ang dêh char Dak Lăk tơlĕch jang lơ̆m ‘măng iung jang kơtang tơjră phă pơrăm khul yoch, pơm sơđơ̆ng dơ̆ng kơjăp lơ̆m khei năr hơdrol, lơ̆m păng đơ̆ng rŏng Tết Nuyên đán Giáp thìn 2024”.  

Kiơ̆ kơ ‘noh, ‘măng iung jang kơtang tơjră phă pơrăm khul yoch pơm sơđơ̆ng dơ̆ng kơjăp lơ̆m khei năr au đei Kŏng ang dêh char Đăk Lăk tơlĕch jang đơ̆ng năr 15/12/2023 truh năr 29/02/2024. Pơđĭ khul hlôi akŏm iung jang băt hơdăh dôm tơdrong tơ̆ tơring, atŏk kơtang dăr joang, tơtom tơchă ƀôh, iung tơjră hăm rim bơngai pơm yoch, ưh kơ lê̆ đei tơdrong pơm chư̆ kơnê̆, tơblă tơblŭng pơm ưh kơ sơđơ̆ng, vei lăng năng tông ‘lơ̆ng hơ iă lơ̆m tơring, chă hơvơn pơ đĭ khul jang, gre, rim trong bơ̆ jang kăl iung tơjră phă pơrăm rim khul pơm yoch.