Ƀan châ̆p hanh Trung ương Đảng Cộng sản Việt Nam, Kuôk hô̆i teh đak Kŏng hoa xah hô̆i chu nghia Việt Nam, Kơdră teh đak Kŏng hoa xah hô̆i chu nghia Việt Nam, Jơnŭm pơgơ̆r teh đak Kŏng hoa xah hô̆i chu nghia Việt Nam, Anih jang Trung ương Măt trâ̆n tôh kuôk Việt Nam păng unh hnam tôch ol sơ-ngon tơbang pơtơ̆ng:

Ƀok Lê Văn Thành, rơneh năr 20/10/1962; pơlei pơla: Xah Tân Liên, apŭng Vĩnh Bảo, pơlei tơm Hải Phòng; oei hơrih lơ̆m hnam kơsô̆ 217, trong Lạch Tray, tơring Ngô Quyền, pơlei tơm Hải Phòng; vang pơm jang ah khei 02/1988; mơ̆t jang Đảng ah năr 24/6/1997; Vang jang lơ̆m Trung ương Đảng dôm jăl XII, XIII, vang jang lơ̆m Jơnŭm pơgơ̆r jang Đảng kơ jơnŭm pơgơ̆r teh đak, jang Phŏ Thủ tươ̆ng teh đak;  sơ̆ jang Ƀĭ thư anih jang đang pơlei tơm, Kơdră Jơnŭm jang vei lăng kon pơlei pơlei tơm Hải Phòng; jang Tang măt ăn Kuôk hô̆i jăl 12. Ƀok đei Đảng, Khul Kơpal teh đak pôk Mê đai Pơm jang tăl Pêng, Chiê̆n sih thi đua kơ jâ̆p teh đak păng lơ mê đai kăp gĭt nai.

Đơ̆ng rŏng kơ đunh khei păn jĭ, mă đei Đảng, teh đak, rim giáo sư, ƀak sih păng unh hnam vei lăng hơmet jĭ, chŏng mă kơyuơ tơdrong jĭ ăl, Ƀok hlôi lôch hơchăng ăh 8 jơ 20 pơnĭt kơmăng năr 22/8/2023 (dang ah năr 07 khei 7 sơnăm Quý Mão) tơ̆ hnam kơdih, hơrih đei truh 61 sơnăm.

Vă tơƀlŏk păng pôk bơnê kơ dôm tơdrong hlôi plang tơgop đơ̆ng Nhap ƀok Lê Văn Thành, Ƀan châ̆p hanh Trung ương Đảng Cộng sản Việt Nam, Kuôk hô̆i teh đak Kŏng hoa xah hô̆i chu nghia Việt Nam, Kơdră teh đak Kŏng hoa xah hô̆i chu nghia Việt Nam, Jơnŭm pơgơ̆r teh đak Kŏng hoa xah hô̆i chu nghia Việt Nam, Anih jang Trung ương Măt trâ̆n tôh kuôk Việt Nam tơchơ̆t pơgơ̆r pơdoong groong ƀŭ kiơ̆ Tơchơ̆t kơ teh đak.

TƠBĂT PƠDONG NHAP ɃOK LÊ VĂN THÀNH

2-Ban Bí thư Trung ương Đảng hlôi tơchơ̆t pơjing Khul chĕp pơgơ̆r Pơdong Teh đak đei 23 ‘nu kơdră; kơ yuơ ƀok Lê Minh Khái, Bí thư Trung ương Đảng, Kơ iĕng Thủ tướng Teh đak pơm kơdră Khul.

Hơtau nhap ƀok Lê Văn Thành đei pơdong tơ̆ Hơnih tơm Hop akŏm pơlei tơm Hải Phòng, kơsô̆ hnam 18 Hoàng Diệu, quận Hồng Bàng, pơlei tơm Hải Phòng.

Pơm lêh hơpong đei pơgơ̆r lơ̆m 9 jơ, ‘năr Puăn, năr 24/8/2023 (‘nŏh jĭ năr 09 khei 7 sơnăm Quý Mão) truh 7 jơ, ‘năr Tơdrau, năr 26/8/2023 (‘nŏh jĭ năr 11 khei 7 sơnăm Quý Mão).

Pơm lêh yôk lơ̆m 7 jơ, ‘Năr Tơdrau năr 26/8/2023. Đơ̆ng rŏng ‘nŏh Pơm lêh pơdong grong ƀŭ hơdrol 11 jơ, ‘năr Tơdrau, năr 26/8/2023 tơ̆ pơsat pơlei kơdih, tơring Tân Liên, apŭng Vĩnh Bảo, pơlei tơm Hải Phòng.