Ƀok Nguyễn Xuân Tiến, rơneh năr  15  khei  5 sơnăm 1958.

pơlei rơneh: Xah Quảng Thọ,  apŭng Quảng Điền,  dêh char Thừa Thiên Huế.

Oei hơrih ah hnam kơsô̆ B51 Tơring pơkăp Golf Valley, Phương 2, pơlei tơm  Đà Lạt, dêh char Lâm Đồng.

Vang pơm jang đơ̆ng khei 3 sơnăm 1978, mơ̆t jang Đảng ah khei 02 sơnăm 1982. Sơ̆ jang lơ̆m Ƀan châ̆p hanh Trung ương Đảng Cộng sản Việt Nam jăl 11, 12, sơ̆ jang Ƀĭ thư Tĭnh uy, Kơdră Jơnŭm jang vei lăng kon pơlei dêh char, Kơdră Anih pơgơ̆r vei lăng kon pơlei dêh char Lâm Đồng.

Ƀok đei Đảng, Teh đak pôk Mê đai rơngei hiôk hian Tăl Ƀar, Mê đai Pơm jang Tăl Mônh, Mê đai 40 sơnăm jang đảng păng lơ mê đai kăp gĭt nai.

Đơ̆ng rŏng kơ păn jĭ, mă hlôi đei Đảng, Teh đak, jơnŭm yăo sư, ƀak sih păng unh hnam hơmet ming, chŏng mă kơyuơ jĭ hlăm, ƀok Nguyễn Xuân Tiến hlôi lôch hơchăng ah 1 jơ 15 pơnĭt kơsơ̆ năr 28/8/2023 (dang ah năr 13 khei 7 sơnăm Quý Mão) tơ̆ hnam kơdih. Hơrih truh 67 sơnăm.

Vă tơbang đon bơnôh 'mêm băt păng pôk bơnê hăm dôm tơdrong kăp gĭt mă ƀok Nguyễn Xuân Tiến hlôi tơgop ăn teh đak, Ƀan châ̆p hanh Trung ương Đảng Cộng sản Việt Nam tơchơ̆t pơgơ̆r pơdong grong ƀŭ atau ƀok Nguyễn Xuân Tiến kiơ̆ Khôi Tơchơ̆t tơnuh kơ teh đak.

ɃAN CHÂ̆P HANH TRUNG ƯƠNG ĐẢNG CỘNG SẢN VIỆT NAM TĬNH UY – JƠNŬM JANG VEI LĂNG KON PƠLEI – ANIH PƠGƠ̆R VEI LĂNG KON PƠLEI – ANIH JANG MĂT TRÂ̆N TÔH KUÔK VIỆT NAM DÊH CHAR LÂM ĐỒNG pơtơ̆ng