Truh dang ei, apŭng Krông Pach hlôi iŏk tơvih păng pơjao ăn rim hơnih ming man 161ha, hơtŏ hăm 76%, hơgăt teh hlôi đei pơjao să hlŏh pơtêng hăm rim apŭng uơ oei đei tơdrong jang au iung jang. Yă Ngô Thị Minh Trinh-Kơ iĕng Kơdră chĕp pơgơ̆r Hơnih vei lăng kon pơlei apŭng Krông Pach tơbăt, vă vei lăng sơđơ̆ng tơdrong pơjao teh ƀlep pơkăp, khei năr au ki, Hơnih vei lăng kon pơlei apŭng Krông Pach hlôi akŏm pơrô̆ athei rim hơnih bơ̆ jang, rim tơring atŏk kơtang iung jang iŏk tơvih teh, sơđơ̆ng ƀlep trong jang tơgŭm djru au to ‘moi kiơ̆ tơdrong tơchơ̆t đơ̆ng Khôi luơ̆t, ưh kơ lê̆ đei tơdrong chă tơkêng.

Tơdrong vă jang trong glung rĕnh Khánh Hoà-Buôn Ma Thuột yak hloh klŏh klĕch ƀar dêh char Đak Lăk hăm Khánh Hoà, hăm trong hơtăih truh 117km, lơ̆m au trong găn hlŏh dêh char Đak Lăk ‘noh 85 km, yak hloh rim apŭng M’drak, Krông Bông, Ea Kar, Cư̆ Kuin păng Krông Pach.