Mĭnh ƀar tơdrong tơm đei apĭnh jet ‘nŏh: Trong hơmet pơ ‘lơ̆ng trong glung, pơm dă ƀiơ̆ gre tơtơ̆m hơlŭk lơ̆m teh đak; hơnăp jang bơ̆ jang teh đak lơ̆m bơ̆ jang hơlen ‘lơ̆ng gre; vei lăng bơ̆ jang gre chơ tơmoi, găh tơdrong gre ‘lơ̆ng; bơ̆ jang pơtho vơ̆r gre, pơlong lĕch ‘măng khoă vơ̆r gre.

Hăm hơnăp jang tơpăt, Ƀok Nguyễn Văn Thắng, Kơdră chĕp pơgơ̆r Hơnih tơm vei lăng trong gre nơnăm ling lang chă mơ̆ng tơgoăt iŏk tôm rim nơ̆r tơgop păng hơdrin jang keh đang trong tơlĕch jang đơ̆ng Đảng, Teh đak lơ̆m atŏk tơ iung trong glung, vă tơtom pơm keh đang rim trong glung tơm ‘lơ̆ng liĕm, sơđơ̆ng vă kon pơlei sơđơ̆ng jơhngơ̆m. Mă lei, hơnih oei đei dôm tơdrong jang tim mă lăp, tim mă ƀlep lơ̆m xek tơlang dôm tơdrong nhen sar bar trong nơnăm, pơm glăi lơ̆m hơlen tơchơ̆t gre ‘lơ̆ng, pơtho vơ̆r gre, pơlong lĕch ‘măng khoă vơ̆r gre, ƀơk ăn, vei lăng, iŏk tơvih ƀăng vơ̆r gre ... Kơdră chĕp pơgơ̆r Hơnih tơm vei lăng trong gre nơnăm tơbăt, dôm nơ̆r tơgop đơ̆ng Kuô̆k hô̆i ‘nŏh jing hơyak pran vă hơnih tơm hơdrin jang keh đang tơdrong jang, tơdrong pơjao đơ̆ng Đảng, Teh đak păng kon pơlei.