Năr 27/11, kơ yuơ Kơdră chĕp pơgơ̆r Kuô̆k hô̆i Vương Đình Huệ chĕp pơgơ̆r, Kuô̆k hô̆i pơgơ̆r pơma dơnuh tơ̆ hnam hop akŏm găh tơdrong vă jang Khôi luơ̆t Hơnih tơm (hơmet ming) păng rim hla bơar tơbăt bơ̆ jang đơ̆ng Khul kơdră chĕp pơgơ̆r teh đak găh: Pơtôch jang pơlong năng Khul kơdră chĕp pơgơ̆r tơring kơdrơ̆m tơ̆ pơlei tơm Hà Nội, pơlei tơm Đà Nẵng păng pơtôch 3 sơnăm jang kiơ̆ Khul kơdră chĕp pơgơ̆r tơring kơdrơ̆m tơ̆ pơlei tơm Hồ Chí Minh.

Găh lơ kơdră tang măt lăp đon hơmet ming Khôi luơ̆t Hơnih tơm vă tơlĕch jang kiơ̆ Tơdrong tơchơ̆t 15 đơ̆ng Hơnih tơm Chinh trĭ găh trong vă jang, tơdrong jang hơtŏk tơ iung hơnih tơm Hà Nội truh sơnăm 2030, lăng truh sơnăm 2045. Rim kơdră tang măt akhan, trong vă pơjing Khôi luơ̆t Hơnih tơm (hơmet ming) đei trong hơmet ming tôm tong, tôm tơdrong nhen tơdrong tơchơ̆t găh khul kơdră chĕp pơgơ̆r, tơdrong pơjao gơ̆h jang ăn khul kơdră tơring lơ̆m Hơnih tơm, adoi nhen tơgoăt, hơtŏk tơ iung tơring Hơnih tơm.