Hơdrol kơ pơtôch, Kuôk hô̆i pơdrơ̆ng kiơ̆ 4 tơdrong tơchơ̆t gĭt kăl, lơ̆m noh đei Tơchơ̆t găh apĭnh jet păng tơ̆l nơ̆r apĭnh jet păng Tơchơ̆t ‘Măng hop akŏm mă 6, Kuôk hô̆i hô̆i jăl 15. Lơ̆m kơ sơ̆ brei, pơma dơnuh tơ̆ hơnih hop akŏm tơm găh Luơ̆t kơmăy kơmŏk khŭl lĭnh, sơđơ̆ng păng pơlung kơmăy kơmŏk, dôm bơngai tang măt athei: pơjing păng hơtŏk tơiung kơmăy kơmŏk khŭl lĭnh, vei sơđơ̆ng păng pơlung kơmăy kơmŏk kiơ̆ trong: hơdrin kơdih, jang kơdih, ‘nao, hơgei, jang hơdai kơjăp hăm kơmăy kơmŏk kon pơlei oei sa, jing tơdrong tơm đơ̆ng kơmăy kơmŏk teh đak.

Kŭm lơ̆m kơsơ̆ brei mơ̆n, Kuôk hô̆i hlôi pơdrơ̆ng kiơ̆ tơdrong tơchơ̆t pơlong lăng 1,2 trong jang tơgŭm hơdrô̆ găh tơmơ̆t jên jang ming man trong nơnăm păng Luơ̆t Khŭl lĭnh vang jang vei lăng sơđơ̆ng tơ̆ tơring.