Đơ̆ng rŏng pêng năr bơ̆ jang hăm lơ tơdrong kăl, mă kăl bơ̆ jang pôk tơmơ̆t kơdră, kiơ̆ trong bơ̆ jang, năr au, năr 23/5, Kuô̆k hô̆i iung bơ̆ jang mă 4 kơ ‘Măng hop akŏm mă 7, Kuô̆k hô̆i jăl XV hăm jơ pơma dơnuh tơ̆ khul găh tơdrong: Lăng hơlen tơmơ̆t dơ̆ng pơtôch jang kiơ̆ trong pơprŏ jang atŏk tơ iung mŭk drăm-tơpôl păng kon jên jang Teh đak sơnăm 2023; tơdrong Lăng hơlen tơmơ̆t dơ̆ng pơtôch jang kiơ̆ trong pơprŏ jang atŏk tơ iung mŭk drăm-tơpôl păng kon jên jang Teh đak dôm khei blŭng sơnăm 2024.

Tơ̆ pơgê, rim Kơdră tang măt pơma dơnuh tơ̆ khul hăm bơ̆ jang, jang kiơ̆ pơkom, tang găn brăh brư sơnăm 2023; Pơtôch jang kiơ̆ rim trong jang tơm teh đak găh hơtŏ hơnơ̆ng drŏ nglo drŏ kăn sơnăm 2023. Tơ̆ kơsơ̆, Kuô̆k hô̆i pơma dơnuh tơ̆ hnam hop akŏm găh pơtôch jang dăr lăng tơdrong xek tơlang dôm nơ̆r tơgop đơ̆ng bơngai tăh hla pơtruh ăn ‘Măng hop akŏm mă 6, Kuô̆k hô̆i jăl XV; Khul kơdră chĕp pơgơ̆r Teh đak păng rim hơnih bơ̆ jang, rim kơdră đei ƀơm truh tơl hơdăh, pơm hơdăh mĭnh ƀar tơdrong kơdră tang măt Kuô̆k hô̆i pơma truh.