Đei asong jang đơ̆ng Thủ tướng teh đak tơbang Tơdrong chih akŏm, Ƀô̆ trương Anih tơm Asong jang Nguyễn Chí Dũng ăn tơbăt, tơdrong chih hơmet minh ƀar trong jang kăp gĭt vă jang hơdah  kiơ̆ Tơchơ̆t kơsô̆ 39 đơ̆ng Anih tơm Chĭnh trĭ, vă iŏk jang kiơ̆ mŭk drăm, tơdrong hiôk hlôi đei vă hơtŏk dêh char Nghệ An tenh păng kơjăp sơđơ̆ng, jing anih tơm kơ tơring Tu Tŏk bŏk gah Tĕch pơdro, logistics, jang pơgang hơmet jĭ jăn, pơtho pơhrăm, khua hŏk păng kŏng ngê̆, kŏng ngĭp păng choh jang xa kiơ̆ trong jang ‘nao. Hơtŏk asong tơdrong pơgơ̆r, vă hơtŏk tơdrong kơchăng jang hăm jơnŭm pơgơ̆r dêh char Nghệ An, atŭm hăm noh vei sơđơ̆ng sơnong chă hơlen đơ̆ng Kuôk hô̆i, Jơnŭm pơgơ̆r teh đak, Hô̆i đŏng kon pơlei dôm jăl kơ dêh char Nghệ An.

Tơroi hơdah gah chih akŏm Tơchơ̆t, Kơdră Anih jang Vei jên, Jên mong kơ Kuôk hô̆i Lê Quang Mạnh ăn tơbăt, Anih jang Jên hu su kăk, Jên mong akhan, tơdrong mă Jơnŭm pơgơ̆r teh đak pơtruh ăn Kuôk hô̆i hơlen, tơchơ̆t hăm Chih akŏm Tơchơ̆t đơ̆ng Kuôk hô̆i gah chih hơmet minh ƀar trong tơchơ̆t jang kăp gĭt vă hơtŏk dêh char Nghệ An noh kăp gĭt gah chĭnh trĭ, kiơ̆ khôi luơ̆t trŏ nhen tơdrong pơgơ̆r kơ po. Adoi lơ̆m pơgê năr 31/5, Kuôk hô̆i mơ̆ng Tơroi gah chih akŏm Pơkăp tơplih hơmet Tơchơ̆t đơ̆ng Kuôk hô̆i gah chih hơdrol trong jang kơ jơnŭm pơgơ̆r tơring kơdrơ̆m păng minh minh ƀar trong jang kăp gĭt vă hơtŏk pơlei tơm Đà Nẵng.