Kiơ̆ tơdrong chih akŏm, tơblang nơ̆r đơ̆ng bơngai tang măt Kuôk hô̆i ăh 'Măng hop akŏm mă 4 păng iŏk nơ̆r tơgop đơ̆ng kon pơlei, chih akŏm Luơ̆t pơtruh ăn hop akŏm âu đei xơkơ̆t hơdăh noh hlôi pơm tơplih hơdăh. Mă thoi noh, adoi oei đei tơdrong pơngơ̆t hăm tơchơ̆t găh “Trong xơkơ̆t hơdăh kơjă teh kiơ̆ tơchơ̆t tĕch răt lơ̆m tơring” păng tơdrong hrŭ 'mong, tơgŭm anih oei xa ƀơ̆r Teh đak iŏk teh.

Lơ bơngai tang măt akhan, tơdrong xơkơ̆t hơdăh kơjă teh oei đei lơ tơhlăk tơhlĭn, ưh kơ lăp đon. Tơdrong xơkơ̆t kơjă teh oei tơsŭl tơsăl tam mă hơdăh găh kơjă teh kiơ̆ kơluăi teh. Atŭm minh kơluăi teh, anih jang mŭk drăm tơpôl nhen băl mă lei đei kơjă phara băl. Rim bơngai tang măt akhan, chih akŏm Luơ̆t tam mă đei xơkơ̆t hơdăh găh tơdrong răm mưh teh đak iŏk teh; tơdrong hrŭ 'mong tam mă trŏ hơdăh, hơdrô̆ hrŭ găh teh, ưh đei tơchơ̆t hrŭ 'mong tơdrong răm găh mŭk tơmam nai.