Hơdrol kơ noh, ah ‘măng hop akŏm âu, Jơnŭm pơgơ̆r teh đak hlôi tơroi gah tơdrong tơlĕch jang vă hơtŏk mŭk drăm tơpôl lơ̆m dôm khei blŭng sơnăm 2024. Kiơ̆ kơ noh, đơ̆ng blŭng sơnăm 2024 truh dang ei, tơpôl lơ̆m apŭng plenh teh pơtoi tơsŭl tơsăl, tơnap tap hloh. Hơdah, tơdrong hơtŏk GDP jăl I/2024 mă đei hơtŏk mă lei tam mă sơđơ̆ng nhen tơdrong pơkăl, tam mă tôm mah vă pơjing dôm hơyak hơtŏk kơjăp păng tam mă kĕ tơgŭm ăn teh đak bơ̆n klaih đơ̆ng tơdrong hrat pơyua sơđơ̆ng.

Tơdrong pơm jang, tĕch pơdro kơ anih jang mŭk drăm oei ƀơm lơ tơnap tap; kơsô̆ anih jang mŭk drăm lĕch jăk đơ̆ng tơring pơm jang lơ hloh kơsô̆ anih jang mŭk drăm oei tơmơ̆t jang. Hơdrol kơ noh, pơma đam tơ̆ khul, minh ƀar nơ̆r tơgop đơ̆ng bơngai tang măt  akhan, tơdrong hơtŏk ah jăl I/2024 noh lơ, pơkăl tơlĕch tơchơ̆t thêm vă hơtŏk ah sơnăm 2024 lơ hloh vă đei trong jang trŏ ƀlep hăm tơdrong kĕ hơtŏk lơ̆m tơdrong jang tơpă.