Rim kơdră tang măt Kuô̆k hô̆i akhan, ‘nau jĭ jăl trong gĭt kăl hloh lơ̆m tơgoăt trong gre rĕnh, tơƀư̆h trong tơm tơring Tây Nguyên hăm Đông Nam Bộ. Tơdrong tơmơ̆t jên jang Tơdrong vă jang gô pơm keh đang trong gre rĕnh kiơ̆ trong pơprŏ, pơih đei trong atŏk tơ iung ‘nao ăn rim tơring păng atŏk kơtang tơgoăt tơring, pơjing hơyak pran, lang să, rơvơn tơgoăt hăm Cham gre păr apŭng plĕnh teh Long Thành păng dơnŏk Cái Mép -Thị Vải, tơgŭm ăn atok tơ iung mŭk drăm-tơpôl tơring Tây Nguyên păng Đông Nam Bộ, tơgŭm ăn atŏk kơtang tơdrong vei lăng sơđơ̆ng teh đak. Mă lei, jăl trong Chơn Thành-Đức Hòa hrei au lăp pơprŏ tơ iung pơjing ming man trong glung hmă, kăl chă tơchĕng hơlen, lăng hơlen, hơmet ming jăl trong ou să truh 4 trong gre yak ting ring nhen jăl trong Gia Nghĩa - Chơn Thành.