Rim kơdră tang măt Kuô̆k hô̆i pơma tơbăt jơhngơ̆m lăp đon hăm hla bơar tơbăt đơ̆ng Khul kơdră Teh đak lăng hơlen tơdrong tŏk đei hơmet pơ ‘lơ̆ng, mŭk drăm sơđơ̆ng, tơlĕch jang kon jên tơmơ̆t jang teh đak jơnei 17,4% trong tơlĕch jang, lơ hloh lơ̆m 4 sơnăm kơ tơdrong tơm pơm hơtŏk atŏk đei iŏk yua lơ̆m teh đak.

Lơ̆m khei năr lơ tơdrong tơnap tap, rim kơdră tang măt pơma hơdăh: tơdrong hơ iă hloh ‘noh tơdrong jang choh jang sa hơnơ̆ng sơkơ̆t hơdăh hơnăp jang tơgŭm ăn tơdrong jang mŭk drăm, sơđơ̆ng hơrih sa tơpôl, sơđơ̆ng phe sa ƀa sŏng lơ̆m teh đak. Choh jang sa, kon pơlei choh jang sa, tơring choh jang sa tŏk bŏk tơplih hơ iă lơ̆m tơdrong jang tơ iung pơjing tơring tơrang ‘nao păng đei tơgop kơtang lơ̆m tơdrong atŏk đei iŏk yua kơjăp.