Adrol kơ noh, lơ̆m 'măng hop akŏm ah kơsơ̆ năr 24/10, pơgơ̆r gah tơdrong tơlĕch tah kơphĭu srĕp pôk jang, Kơdră Kuôk hô̆i Vương Đình Huệ ră hơdah: Tơdrong iŏk kơphĭu pôk jang noh vă hơtŏk đei jơnei tơdrong jang hơlen đơ̆ng Kuôk hô̆i, hơtŏk pơ-'lơ̆ng tơdrong jang kơ Jơnŭm pơgơ̆r teh đak, tơgop sơkơ̆t đon lui păng đei jơnei kơ sơnong jang đei pơjao hăm bơngai đei rơih tah kơphĭu pôk jang ăn dôm kơchư̆k kơpal mă Kuôk hô̆i pôk jang păng kĭ tơchơ̆t gah tơdrong jang po vă pơtoi hơtŏk pơ-'lơ̆ng, pơm jang đei jơnei, atŭm hăm noh pơm trong vă rim anih jang kơdră kơpal hơlen pơtho pơhrăm, asong păng iŏk yua đe kăn ƀô̆.