Liên Khương dang ei ‘noh jĭ Cham gre păr lơ̆m teh đak pơyua ăn tơdrong jang păr chơ kon pơlei păng khŭl lĭnh, sơng iŏk dôm ‘măng păr apŭng plĕnh teh ưh kơ hơnơ̆ng păng hơnơ̆ng lơ̆m teh đak. Kiơ̆ kơ Anih vei lăng kon pơlei dêh char Lâm Đồng, đơ̆ng blŭng sơnăm truh dang ei, Cham gre păr Liên Khương pơvih pơvăn jô̆ păh lăp 40 ‘măng păr lơ̆m teh đak năm păng truh lơ̆m 1 năr, hăm tơmoi jô̆ păh lăp 6.700 ‘nu bơngai.

Hơdrô̆ dôm trong păr apŭng plĕnh teh, đơ̆ng sơnăm 2017 truh dang ei hlôi pơvih pơvăn ăn 1.723 ‘măng păr, hăm akŏp vă jê̆ 238.000 ‘nu tơmoi apŭng plĕnh teh. Mă lei, dang ei Cham gre păr Liên Khương tam mă pơih trong păr apŭng plĕnh teh truh Singapore, ƀơ̆t mă ‘nâu jĭ tơring đei tơmam ‘lơ̆ng tih găh jang hơdai tơmơ̆t jên jang, hơtŏk tơiung tơmang lăng, mơdro sa tơmam. Yua thoi noh, Anih vei lăng kon pơlei dêh char Lâm Đồng athei Kŏng ti jang Gre păr Vietjet pơtrŭt pơih trong păr apŭng plĕnh teh đơ̆ng Cham gre păr Liên Khương truh tơ̆ Singapore.