Kiơ̆ kơ ‘nŏh, Anih vei lăng kon pơlei dêh char Lâm Đồng athei dôm anih jang, khul grŭp, dôm apŭng păng plt Đà Lạt, Bảo Lộc pơgơ̆r hơlen năng, tơtom chă ƀôh dôm tơring hơmơt kơ teh hơlih, đak tơjroh, đak lơ̆p, mă loi hăm dôm tơring đei kon pơlei oei xa, hnam trưng, anih jang kơ teh đak, kơđông linh, hnam kơmăy... Khŏm pôk rĭ kon pơlei păng pơdŭ tơmam lĕch đơ̆ng tơring krê hơmơt, đei trong kơchăng vei lăng ‘lơ̆ng tơdrong arih, găn tôch ai hiong răm găh tơmam, ưh ăn đei tơdrong ưh kơ ê, ưh tom kơchăng.

Atŭm hăm ‘nŏh, kơchăng pơm hơmet hơnih, tơgŭm, vei lăng ‘lơ̆ng anih oei pơgia, pơm ‘lơ̆ng ăn tơdrong arih kơ dôm unh hnam athei pôk rĭ tơ̆ nai. Hơdrô̆ apŭng Đam Rông, Anih vei lăng kon pơlei dêh char Lâm Đồng pơtho tơƀôh jăh hơmet pơ ‘lơ̆ng teh hơlih tơ̆ xăh Đạ K'Nàng, pơgơ̆r năm ngôi, pơlung, tơgŭm ăn unh hnam đei bơngai lôch răm.