‘Nâu jĭ  ‘măng vă anih tơmang lăng tơring pơtrŭt dôm tơdrong jang roi tơƀôh, sơng đei tơmoi tơmang lăng. Kŭm hăm lêh pơgơ̆r blŭng a, pơtôch păng pơjao tơmam hơpăh, tơdrong pơlong phim gô pơgơ̆r lơ tơdrong jang nai nhen; pơgơ̆r dôm hop akŏm găh “Chih tơbăt um rup, phim đơ̆ng bơngai pơm”, “Pơjing tơdrong hơgăt hơlen lăng phim kiơ̆ trong kơmăy kơmŏk phim”; tơdrong jang tơƀơ̆p pơma dơnuh đơ̆ng nghệ sĩ păng bơngai lăng, hŏk tro, sinh viên lơ̆m tơring; pơgơ̆r năm chă lăng dôm hơnih ‘lơ̆ng rŏ kơ Đà Lạt - Lâm Đồng; pơgơ̆r pơdăh phim tơ̆ hơnih pơdăh phim, pơdăh phim tơ̆ ‘ngoăih....

‘Nâu jĭ ‘măng vă phim Việt Nam roi tơƀôh truh tơmoi lăng dôm phim hơiă găh tơdrong arih sa đơ̆ng bơngai pơm phim. Yak truh pơjing kơmăy kơmŏk phim Việt Nam ƀĕnh tơdrong hơiă hơdrĕch hơdrŭng, ‘nao păng ‘mêm mơnat.