Kơsô̆ jên asong jang ăn teh đak lơ̆m sơnăm 2023 kơ dêh char Lâm Đồng hloh  8.000 tih hlj. Chŏng mă truh khei năr âu pơtơm asong đei hloh 3.500 tih hlj, đei 43% pơtêng hăm tơlĕch jang. Hăm tơdrong mă jên asong jang tơdrong jang teh đak đei asong adar, Anih jang vei lăng kon pơlei dêh char Lâm Đồng pơkăl dôm anih jang đei tơrĕk dah tenh kuăng hơlen păng tơlĕch dôm trong jang trŏ hăm tơdrong kăl kơ rim tơdrong jang.

Kiơ̆ đơ̆ng noh, hơnơ̆ng hơlen, pơgơ̆r vă hơtŏk tơdrong pơm jang, asong jên jang. Kiơ̆ kơ ƀok Trần Văn Hiệp, Kơdră Anih vei lăng kon pơlei dêh char Lâm Đồng, vă jang tơdrong âu, atŭm hăm pơkăl dôm anih asong jang pơkăp iŏk jang, dêh char gô kiơ̆ kơ noh vă sơkơ̆t hơdah kan ƀô̆, bơngai jang keh đang tơdrong jang thoi yơ.