Đơ̆ng chă hơlen, anih jang kơpal dêh char Lâm Đồng sơkơ̆t hơdah đei 109 tŏ gơng ưh kơjăp athei ming hơmet tenh kuăng dah mă tơplih ‘nao hloi. Mă lơ gơng vih vơ̆t âu adoi oei lơ̆m tơring hơtaih yaih, tơring kon pơlei kon kông lơ̆m dôm apŭng Đức Trọng, Di Linh, Bảo Lâm, păng Đam Rông...

Kiơ̆ kơ ƀok Hoàng Anh Tuấn, Phŏ Kơdră Anih jang gah Trong nơnăm dêh char Lâm Đồng, vă vei sơđơ̆ng ăn tơdrong vih vơ̆t, pơm jang păng hơrih xa kơ kon pơlei, mă kăl noh lơ̆m pơyan ‘mi kial, dêh char tŏk bŏk oei akŏm jên vă chă ming hơmet dôm gơng ưh đei kơjăp âu. Vă hơmet ming dah mă tơplih ‘nao gơng ưh đei kơjăp âu, ‘noh kăl đei kơsô̆ jên pơhlom 965 tih hlj vă ming hơmet 109 gơng kăl chă ming hơmet âu.