Trong păr Seoul – Đà Lạt đei pơih yua đơ̆ng Anih jang gre păr Jeju Air kơ Hàn Quốc. Đơ̆ng rŏng ‘măng păr mă blŭng, anih jang gre păr âu gô hơnơ̆ng pơvei kơ sô̆ păr 7 ‘măng păr brŏk năm 1 giĕng. ‘Nâu jĭ trong păr tơpăt mă 3 tơƀưh đơ̆ng Hàn Quốc truh tơ̆ Đà Lạt. 2 trong păr tơpăt hlôi pơih hơdrol ‘noh Đà Lạt - Busan păng Đà Lạt - Jeju.

Kiơ̆ kơ ƀok Nguyễn Ngọc Phúc, Phŏ Kơdră Anih vei lăng kon pơlei dêh char Lâm Đồng, đơ̆ng blŭng sơnăm truh dang ei, Đà Lạt- Lâm Đồng sơng hloh 363.000 ‘nu tơmoi apŭng plĕnh teh, lơ̆m noh tơmoi truh đơ̆ng Hàn Quốc đei 60%. Tơdrong pơih dơ̆ng trong păr Đà Lạt - Seoul gô tơgop hơtŏk tơiung tơdrong jang tơmang lăng păng mŭk drăm kơ 2 tơring.