Lâm Đồng đei 1,5 triu ‘nu kon pơlei, 47 hơdrĕch hơdrung, lơ̆m noh bơngai kon kông đei 24,5%. Dôm sơnăm âu ki, gơnơm đei Đảng, teh đak tơgŭm, tơlĕch jên jang găh rim tơdrong kơna tơdrong arih xa tơmam drăm, jơhngâm đon kon pơlei lơ̆m dêh char pơma atŭm, kon pơlei kon kông pơma hơdrô̆ roi đunh roi tŏk ‘lơ̆ng. Mă loi ‘nŏh tơdrong krao hơvơn “Đĭ đăng kon pơlei mât 1 ƀơ̆r đon pơjing tơring tơrang ‘nao, tơring kơdrâm rơgei” hơnhăk đei lơ tơdrong gĭt kăl.

Truh dang ei, iŏk yoa jô̆ păh lăp kiơ̆ kơ̆l bơngai lơ̆m tơring kon kông tơ̆ Lâm Đồng đei 45 triu hlak jên 1 sơnăm, kơsô̆ unh hnam tơnuh lơ pang jur pă 3,2%. Jơ̆p lơ̆m dêh char đei 353 anih tĕch mơdro yoa kon pơlei kon kông pơm tơ ‘ngla, hăm kơsô̆ jên jang xa vă jê̆ 2.800 ti; hlŏh 50 grŭp jang hơdoi, HTX jang xa găh lơ tơdrong; 13 tơmam OCOP đơ̆ng kon pơeli kon kông iŏk đei tơdrong hơgăt 3 sơnglŏng.