Lâm Đồng tơlĕch 265 ti hlak jên sơng iŏk, pơtho pơhrăm khul bơngai jang rơgei
Thứ hai, 14:14, 15/07/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar – Dêh char Lâm Đồng tơchơ̆t tơlĕch hlŏh 265 ti hlak jên vă pơtho pơhrăm, sơng iŏk bơngai jang rơgei, pơm lăp hăm tơdrong ‘mĕh vă jang tŏk mŭk drăm-tơpôl tơ̆ tơring.
Dang ei Lâm Đồng đei hlŏh 29.000 ‘nu kăn ƀô̆, bơngai jang ăn teh đak, mă lei tơdrong hŏk pơhrăm, bơ̆ jang gơ̆h tam mă kơjung, tam mă pơm lăp hăm tơdong ‘mĕh vă jang atŏk tơiung mŭk drăm, tơpôl, mât jang hơdoi hăm apŭng plenh teh.
Vă hơmet pơ ‘lơ̆ng tơdrong ‘nâu, dêh char tơchơ̆t tơlĕch trong sơng iŏk, pơtho pơhrăm kăn ƀô̆, bơngai jang ăn teh đak tơ̆ dêh char truh sơnăm 2030, hăm kơsô̆ jên jang hlŏh 265 ti đơ̆ng jên teh đak. Lơ̆m noh, hlŏh 135 ti vă sơng iŏk 355 ‘nu bơngai rơgei, oei đei dơ̆ng ‘nŏh vă pơtho ăn 578 ‘nu kăn ƀô̆, bơngai jang ăn teh đak.
Viết bình luận