‘Măng thi tốt nghiệp THPT sơnăm ‘nâu, dêh char Lâm Đồng đei hlŏh 14.600 ‘nu hŏk tro vang thi. Kŭm hăm hơmet 39 anih thi, 670 lăm thi tơ̆ 12 apŭng, plt lơ̆m dêh char, Lâm Đồng oei hơmet tôm tơmam yoa kăl, lăm thi păng khul bơngai jang tŏk truh hlŏh 2.600 ‘nu bơngai vang pơvih ăn ‘măng thi tốt nghiệp.

Vă tơdrong thi gơ̆h pơgơ̆r sơđơ̆ng ‘lơ̆ng, ‘năr 27/6, Anih vei lăng kon pơlei dêh char Lâm Đồng đei hla ar athei Anih vei lăng pơtho pơhrăm dêh char, Anih vei lăng kon pơlei dôm apŭng, plt păng dôm anih jang kơpal akŏm jơhngâm bơ̆ jang hơmet mă ‘lơ̆ng rim tơdrong. Lơ̆m nŏh, ưh ăn đei hŏk tro hŭt thi yoa tơdrong yak vih vât dăh mă mŭk drăm lơ̆m hnam pơmat tat, mă loi jĭ đe hŏk tro đơ̆ng hơtăih, hŏk tro bơngai kon kông, kon hơ ‘lơ̆p unh hnam tơnuh hin.