Tơprŏh trong chĕng hơmet dêh char Lâm Đồng đơ̆ng 2021-2030, trong jang truh sơnăm 2050 hlôi đei Khul hơlen năng kơ Trung ương drơ̆ng nơ̆r păng pơgơ̆r chih pơkĕh kiơ̆ nơ̆r hơlen năng. Lơ̆m nŏh, ‘ngoăih kơ tơdrong tơproh trong jang, chĕng hơmet plt Bảo Lộc păng dôm tơring jŭm dăr hlôi đei hơlen năng, kĭ tơlĕch đang, vă rim tơdrong tơprŏh trong jang nai oei hiơ̆ hĭn ngăl.

Ƀok Lê Quang Trung, Kơdră Anih vei lăng tơdrong ming man dêh char Lâm Đồng tơroi, kiơ̆ tơdrong hơgăt ‘nŏh tơdrong tơproh trong chĕng hơmet apŭng lơ̆m dêh char oei bơ̆ jang hiơ̆ ƀiơ̆. Tơdrong tơm ‘nŏh yoa đon tơchĕng găh tơproh trong jang, chĕng hơmet apŭng đơ̆ng dôm tơring pha ra băl, đei apŭng tơlĕch trong chĕng hơmet kiơ̆ trong vă jang tơ̆ apŭng mă lei kiơ̆ tơdrong hơgăt ‘nŏh ưh gơ̆h lăng kiơ̆ dôm tơdrong vă jang ‘nŏh. Yoa thoi nŏh jing hiong lơ jơnăr pơm hơlơ̆k hơle, hơmet ming lơ ‘măng.