Pơgơ̆r đơ̆ng năr 9/3 truh năr 13/3, lêh akŏm hơvơn đei pơhlom 250.000 tơmoi truh hăm Đăk Lăk, lơ̆m noh đei 1.800 tơmoi đơ̆ng teh đak đe. 17 tơdrong akŏm tơm kơ lêh akŏm đei tơmoi lăp 'mêm. Lơ tơdrong đei tơplih 'nao akŏm lơ̆m hơnăn “Buôn Ma Thuột – Anih truh akŏm kơ kaphê apŭng plenh teh” hlôi akŏm đei nơ̆r pơkăp: Iŏk yua, Anih truh, Jang hadoi kơ kaphê Việt Nam. Tơ̆ lêh akŏm, 'măng mă blŭng bơngai chĕp kơ̆l anih jang kaphê apŭng plenh teh đei ƀai chih pơm trong hơyak kăp gĭt lơ̆m tơdrong hơtŏk anih dơ̆ng kơ kaphê Việt Nam lơ̆m um la kak apŭng plenh teh.

Lơ̆m dôm năr pơgơ̆r lêh akŏm hlôi đei lơ tơdrong jang tơroh hơvơn đei lơ anih jang mŭk drăm tĕch răt kaphê hăm teh đak đe pơm jang lơ̆m teh đak păng tơ̆ teh đak đe vang truh akŏm. Atŭm hăm noh jĭ dôm tơdrong akŏm joh ayŏ kăp gĭt, 'lơ̆ng hơ-iă. Anih jang vei lăng kon pơlei dêh char Đăk Lăk sơkơ̆t hơdah: Lêh akŏm kaphê 'măng mă 9 hlôi đei pơgơ̆r jơnei keh kong 'lơ̆ng hơ-iă, yak jang kiơ̆ tơchơ̆t  “Buôn Ma Thuột jing anih truh akŏm kơ kaphê apŭng plenh teh”.