‘Năr dơ̆ng ‘năr 15/6, tơ̆ Hnam Kuô̆k hô̆i, Kơdră Kuô̆k hô̆i Vương Đình Huệ truh pơm lêh Kĭ pơkăp trong jang hơdoi đơ̆ng Tổng Thư ký Kuô̆k hô̆i, Kơdră Anih pơvih ăn Kuô̆k hô̆i hăm Kơdră chĕp kơ̆l dôm Anih jang kơ Kuô̆k hô̆i, Kơdră dôm anih jang găh Anih chĕp kơ̆l pơgơ̆r Kuô̆k hô̆i.

Lêh kĭ pơkăp trong jang hơdoi vă bơ̆ jang ‘lơ̆ng tơdrong jang đơ̆ng Đảng khul Kuô̆k hô̆i mưh bơ̆ jang tơdrong Tơchơ̆t đơ̆ng Hop akŏm lơ̆m tĕh đak ‘măng mă XIII kơ Đảng păng pơm hơtŏk hơnăp chĕp kơ̆l pơgơ̆r, pơm ‘lơ̆ng ăn tơdrong jang hơdoi roi kơjăp, đei yoa, hrơ̆ch ‘lơ̆ng, tơtom păng hơtŏk hơnăp jang mư̆h jang hơdoi đơ̆ng Tổng Thư ký Kuô̆k hô̆i, Kơdră Anih pơvih ăn Kuô̆k hô̆i hăm Kơdră chĕp kơ̆l Anih vei lăng hơdrĕch kon kông, Kơdră dôm Anih jang kơ Kuô̆k hô̆i, Kơdră anih jang găh Anih chĕp kơ̆l pơgơ̆r Kuô̆k hô̆i.

Găh noh dơ̆ng, hơtŏk hơnăp jang mưh jang hơdoi, tơgŭm ăn rim anih jang jang đang ‘lơ̆ng tơdrong jang đei pơjao kiơ̆ tơdrong hơgăt, tơgop pơm hơtŏk hlŏh dơ̆ng tơdrong ‘lơ̆ng, đei yoa mưh bơ̆ jang tơ̆ rim anih; atŭm hăm ‘noh, chih hơdăh hơnăp jang đơ̆ng dôm pang vă pơm ‘lơ̆ng sek tơlang tơtom rim tơdrong ‘lơ̆ng hơiă păng đei yoa.