Lêh pơdong, ƀŭ kơting linh lôch tang teh đak tơ̆ Vị Xuyên
Thứ bảy, 09:14, 02/11/2024
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Pơgê ‘năr 1/11, Anih chĕp kơ̆l Đảng, Khul tang măt Quốc hội, Jơnŭm pơgơ̆r kon pơlei, Anih vei lăng kon pơlei, Anih Mặt trận Tổ quốc dêh char Hà Giang pơm lêh pơdong, ƀŭ kơting linh lôch tang teh đak lơ̆m tơdrong tơblăh vei lăng tơring sơlam tơ̆ găh Tu kơ teh đak tơ̆ Pơsat linh teh đak Vị Xuyên.
9 kơ̆l linh lôch tang teh đak đei chă ƀôh, sir akŏm tơ̆ xăh Thanh Thủy, apŭng Vị Xuyên, dêh char Hà Giang. Lơ̆m tơdrong tơblăh vei lăng tơring sơlam găh Tu, tơ̆ kơdrăn tơblăh Vị Xuyên, rơbâu ‘nu kăn ƀô̆, linh vang iung tơnlăh tôch kơtang. Hlŏh 4000 ‘nu kăn ƀô̆, linh hlôi lôch tang, truh dang ei oei đei hlŏh 1000 ‘nu linh hiong hơkâu, chă kơting tam mă ƀôh.
Nơ̆r pơre lơ̆m jơ pơm lêh pơdong akhan: Đảng ƀô̆, khul kơdră tơring, kon pơlei dôm hơdrĕch hơdrung dêh char Hà Giang ling lang chih răk kŏng tih tên păng tơdrong chu lôch hŭt hơkâu đơ̆ng jơhnơr adrol sơ̆; mât 1 ƀơ̆r đon, drơ̆ng pôm nơ̆r, khŏm vei lăng păng pơjing pơlei pơla roi đunh roi pơdrŏng ‘lơ̆ng rŏ; vang tơgop bơ̆ jang đei jơnei tơdrong jang tơiung pơjing păng vei lăng teh đak.
Viết bình luận