Tơdrong jang găh tơdrong jang kon pơlei yua grŭp B, đei akŏp kơ sô̆ jên tơmơ̆t jang 247 ti hlak jên hăm 60 tŏ giơng bơngai jĭ ƀĭch, hơ tŏ dang hnam pơgang đa khoa kơ koăi III, đei kơmăy kơmŏk ‘nao, pơtruh pơvih pơvăn pơgang ‘lơ̆ng, pơm lăp hăm ‘meh vă khăm hơmet jĭ roi ‘năr roi lơ ăn kon pơlei, lĭnh, tơmoi tơmang lăng.

Tơ̆ lêh et hơtŏk Tơnŏk duk chơ tơmoi Côn Đảo, Kơdră teh đak Võ Văn Thưởng vang truh akŏm păng kăt che et hơtŏk. Tơdrong jang đei tơdrong ‘lơ̆ng gĭt kăl lơ̆m tơdrong tơgop hơtŏk tơiung pơvih pơvăn duk kơ dâu tơ̆ đak, chơ tơmoi, vei sơđơ̆ng teh đak, mă loi ‘noh jĭ tơgop bơ̆jang kiơ̆ tơdrong tơm pơjing Côn Đảo jing Hơnih gru groa achon đak dơ sĭ păng joh ayŏ - jơhnơr arih - jơhngơ̆m đon lui ‘lơ̆ng kơ tơring păng apŭng plĕnh teh. Tơnŏk tơmơ̆t lơ̆m bơ̆ jang pơm kơ đeh trong năm vă jê̆ 15km đơ̆ng Tơnŏk Bến Đầm năm tơ̆ Anih kơ drơ̆m Côn Đảo.