Lơ hơnih ming man đak sŏ nhă rơgoh tơ̆ Dak Lăk ưh kơ đei vei kơjăp, kon pơlei tơƀơ̆p tơnap tap
Thứ năm, 15:35, 28/03/2024
VOV/Ama Zut chih tơblơ̆
VOV/Ama Zut chih tơblơ̆
VOV4.Bahnar - 6 - Lơ̆m 128 hơnih ming man đak so nhă rơgoh pơlei pơla akŏm tơ̆ dêh char Dak Lăk, đei truh 52 hơnih ming man hư răm kơtang pă gơ̆h chă pơro đak păng mơjĭt hơnih chă pơro đak đunh đơ̆h. Ư̆h kơ măh kon jên ming hơmet hlôi pơm kơnê̆ kơtang trih tơdrong pơro đak sŏ nhă rơgoh ăn kon pơlei, mă kăl lơ̆m khei ‘năr phang pơđang hrei au.
Rim hơnih ming man đak sŏ nhă rơgoh tơring tơrang pơdơ̆h chă pơro đak akŏm lơ tơ̆ rim apŭng Ea Súp, Buôn Đôn, Ea Kar, Lăk, Cư M’gar, pơlei tơm Buôn Ma Thuột. ‘Ngoăih kơ ‘noh, lơ hơnih oei jang chă pơro đak mă lei lăp chă pơro sơđơ̆ng ăn đơ̆ng 20 truh tim mă truh 50%.
Ƀok Phạm Ngọc Bình, Kơdră chĕp pơgơ̆r Hơnih Pơtruh đak sŏ nhă rơgoh păng vei lăng rơgoh Cham char dêh char Dak Lăk tơbăt, rim hơnih pơtruh đak sŏ nhă rơgŏh hư răm kơtang măh pơdơ̆h jang dăh mă iung jang ră mă lei lăp mơlôh mơlônh ‘nŏh dôm hơnih ming man đơ̆ng lơ sơnăm hơdrol, đei pơjao ăn kơdră chĕp pơgơ̆r pơlei vei lăng năng tông kơdih kơna ưh kơ iŏk đei jơnei hơ iă.
Viết bình luận