Tơdrong đe thây kô pơtho tơ̆ apŭng Đăk Hà, dêh char Kon Tum hlŭ kơ đe hơlĕnh ưh khan lăp hiong răm găh mŭk drăm kơ dih mă oei pơm ăn anih jang hơnih thây kô bơ̆jang thim tơdrong, thim hơnăp jang. Găh tơdrong tơm pơm ăn hơnhăk truh tơdrong lơ thây kô pơtho lơ̆m dêh char hlŭ kơ đe hơlĕnh lơ̆m mạng, yă Lê Thị Nhung, Kơdră Anih vei lăng pơtho pơhrăm apŭng Đăk Hà, dêh char Kon Tum, akhan đei tôch lơ tơdrong tơm pơm ăn, mă đơ̆ng hlôi đei pơtho tơtă bơih đơ̆ng anih jang kơpal, mă loi ‘noh jĭ đơ̆ng kŏng ang.

Mă lei oei đei tơdrong thây kô pơtho lui put lơ̆m dôm nơ̆r pơhlŭ, pơdôr. Lơ̆m tơdrong tơm hơlĕnh pơdăr thây kô tơchĕng ‘noh kơdih đei huŏng lơ̆m tơdrong ‘noh tơpă kơna jing pơm kiơ̆ nơ̆r pơtho ‘noh blă kơ ‘noh gơih jên ăn kơ đe.