Anih vei lăng kon pơlei dêh char Đắk Lắk akhan, tơdrong chă ƀôh, tang găn, sek tơlang dôm tơdrong pơm glăi luơ̆t vei lăng bri oei tam mă ‘lơ̆ng. Tơdrong kŏh iŏk, chơ chuĕn, tĕch mơdro ‘long bri, muih roh sŏh mir, tơgar iŏk teh bri oei đei hơnơ̆ng.

Tơdrong kon pơlei đơ̆ng nai mât oei kư̆ kă, kŏh phă bri ‘long, tơgar iŏk teh bri đei tơ̆ jơ̆p tơring lơ̆m dôm apŭng. Nơ̆r tơhli, khă găn, pơtho tơƀôh đơ̆ng luơ̆t vei bri nhen ưh đei yoa kiơ tơ̆ lơ tơring. Kơplăh ‘nŏh, lơ tơ ‘ngla bri pră hơchăng tơdrong vei lăng. Lơ tơ ‘ngla bri ưh kĕ vei lăng bri mưh khul jang vei lăng bri pơdơ̆h jang đĭ.