Iung pơma tơ̆ pơgơ̆r blŭng a, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa ‘meh vă hơnih jang pơre nơ̆r gô hơnơ̆ng jang kiơ̆ ‘lơ̆ng nơ̆r Ƀok Hô pơthp pơkă  ‘noh: “Jang kơtơ̆ng ang pơre nơ̆r kăl lăng kơjăp chih lơ liơ, pơma lơ liơ vă bơngai mơ̆ng mưh mơ̆ng đang ‘noh hlôh vao hloi dôm nơ̆r bơ̆n ‘meh vă tơbăt ăn, pơm lơ liơ vă bơngai mơ̆ng ƀônh kơchăm, pơm kiơ̆ ƀônh".

Atŭm hăm rim tơdrong jang chih kơtơ̆ng ang, rapor gô ling lang vei kơjăp hơnăp jang kăl lơ̆m bơ̆ jang pơrô̆ pơrôp đơ̆ng Đảng tơgăl hăm tơdrong ‘meh vă păng lui yom păng hmach bơnê đơ̆ng kon pơlei. Đei pơgơ̆r đơ̆ng năr 9 truh năr 14/7, ‘Măng pơlong rapor lơ̆m teh đak ‘măng mă 16 oei đei pơgơ̆r lơ tơdrong hơ iă. ‘Noh Hop akŏm apŭng plĕnh teh “Tơplih kơsô̆ rapor: Ƀôh hơdăh yan ou lơ̆m apŭng plĕnh teh păng Việt Nam”; Hop akŏm Rapor kơtă lơm chăl sơnăm jang lơ tơdrong; pơgơ̆r “Tơƀơ̆p pơma dơnuh dôm bơngai hưch hanh hơmanh bơnê hăm tơdrong hơri Chèo lơ̆m teh đak ‘măng mă 9 sơnăm 2024” păng Pơlong kơdou “Kơ yuơ jơhngơ̆m pran jăng grăng  akau”.