Hăm nơ̆r pơma “Sơnăm mơlôh bơ̆jang yua kơ dôm jăl trong sơđơ̆ng”, dôm khŭl vang pơlong hlôi rơih lơ̆m 3 trong nhen: Hơri jô̆; pơcheh tơdra hơsoang, dăh mă hơri hăm hơsoang hơdai băl hloi kiơ̆ lơ̆m tơ dra nơ̆r đơ̆ng video tôn reh “Jăl trong gơh pơma”.

Dôm ƀai hơri, hơsoang hlôi sơng đei tơdrong tơgŭm đơ̆ng lơ lap đe oh hŏk tro. ‘Nâu đei lăng jĭ cham ngôi pơchơt đei yua, pơm tơdrong hiôk vă đe oh hŏk tro tơƀơ̆p băl, hŏk pơhrăm tơroi băl tơdrong hlôh vao, tơdrong băt vang hao gre, yơ yak tơ̆ trong ‘lơ̆ng sơđơ̆ng, mă loi ‘noh jĭ hŏk tro mưh hao gre tơ̆ trong.