Lăp đơ̆ng rŏng hơlih man nak pơm ăn 2 ‘nu bơngai lôch, rim hơnih bơ̆ jang, kon pơlei hlôi năm hơpong păng ‘măng blŭng hlôi tơgum djru ăn ŭnh ham bơngai răm.

Lơ̆m au, Hơnih bơ̆ jang MTTQ Việt Nam dêh char Lâm Đồng tơgŭm  30 triu hlak jên, Hơnih bơ̆ jang tang găn tŏ ‘mi kial pơrăm păng tơchă dŏng dêh char Lâm Đồng tơgum 20 triu hlak jên, Jơnŭm Chư pơglang ƀrê Lâm Đồng  tơgum 3 triu hlak jên, rim hơnih bơ̆ jang găh pơlei tơm Đà Lạt tơgŭm 73 triu hlak jên, tơngla păng hơnih ming man tơgŭm 85 triu hlak jên. Akŏp kon jên chă tơgŭm ăn ŭnh hnam lôch răm au truh dang ei hloh 200 triu hlak jên. Atŭm hăm ‘noh, hloh đơ̆ng chă hơvơn tơpôl, pơlei tơm Đà Lạt jei hlôi pôk ăn vă jê̆ 20 triu hlak jên tơgŭm djru ăn 3 ‘nu bơngai rơka lơ̆m ‘măng teh tơdrŭt hơlih au.