Kiơ̆ tơchơ̆t pơjing Grŭp bơ̆jang hơmet ming hla ar hành chính đơ̆ng Thủ tướng teh đak ‘nao tơlĕch ăn, Grŭp bơ̆jang đei 15 ‘nu vang jang, Phŏ Thủ tướng Trần Lưu Quang pơm kơdră grŭp. Grŭp bơ̆jang hlôi băt hơdăh hơnăp jang tơm hơmet ming hla ar hành chính kăl akŏm pơgơ̆r pơtho dôm khei hơtuch sơnăm kiơ̆ hơnăp jang đơ̆ng rim anih tơm, anih jang hơtŏ anih tơm.

Kiơ̆ kơ ‘noh, jang kiơ̆ kăt tơ jur pơm ƀônh hla ar hơgăt tĕch mơdro, hla ar hành chính, hla ar kon pơlei hlôi đei kĭ ăn ‘noh hloh 120 hla ar hành chính, grŭp hla ar hành chính, hla ar kon pơlei đơ̆ng 16 anih tơm, anih jang. Hloh 400 hla ar tơchơ̆t tĕch mơdro, grŭp tơchơ̆t tĕch mơdro đơ̆ng 9 anih tơm, anih jang. Dăr hơlen, roi tơbăt ăn Thủ tướng teh đak trong jang akŏm kăt tơ jur, pơm ƀônh hla ar 13 grŭp tơchơ̆t, hla ar hành chính tơm găh tơdrong vei lăng đơ̆ng 9 anih tơm, lơ̆m noh đei 2 grŭp atŭm đơ̆ng dôm anih tơm, anih jang ƀơm truh.