‘Nâu jing ‘măng hop akŏm mă hơtuch sơnăm vă hơlen, sơkơ̆t tơdrong pơm kiơ̆ tơchơ̆t kơ Hô̆i đŏng kon pơlei dêh char gah sơnong hơtŏk mŭk drăm – tơpôl sơnăm 2023, tơlĕch sơnong pơm jang kơ sơnăm 2024 păng tơgop lơ ăn tơdrong jang kăp gĭt kơ dêh char. Kơchĕng ‘măng hop akŏm đei pơgơ̆r lơ̆m 3 năr.

Tơ̆ hop akŏm âu, Hô̆i đŏng kon pơlei dêh char Đăk lăk adoi gô hơlen dôm tơdrong gah jang tang găn păng tơjră pơm glăi luơ̆t tơchơ̆t lơ̆m dêh char, tơdrong jang tang găn xa pơjĭp, sek tơlang tơkêng tơhlâu, mơ̆ng Anih jang Măt trâ̆n tôh kuôk Việt Nam dêh char tơroi gah tơdrong vang pơjing jơnŭm pơgơ̆r tơring, hơlen tơdrong tơl nơ̆r, pơtruh nơ̆r đơ̆ng kon pơlei păng tơlĕch pơma đam. Iung pơma ah hop akŏm, yă Huỳnh Thị Chiến Hoà, Kơdră Hô̆i đŏng kon pơlei dêh char Đăk Lăk ăn tơbăt: dôm nơ̆r tơgop păng tơchơ̆t ah ‘măng hop akŏm gô pơm trong tơchơ̆t, hơtŏk mŭk drăm – tơpôl, vei sơđơ̆ng tơpôl teh đak, pơjing anih jang chĭnh trĭ tơ̆ tơring teh lơ̆m dêh char ah sơnăm 2024 păng dôm sơnăm đơ̆ng rŏng kơ noh.