Pơma pơtôch hop akŏm, Kơdră Kuôk hô̆i Vương Đình Huệ ră hơdah, sơnăm 2024 jing sơnăm dơnơm, kăp gĭt lơ̆m tơdrong pơm jang đei jơnei kơ tôm jăl jang. Kơyuơ noh kăl pơtoi asong hơtŏk mŭk drăm, vei sơđơ̆ng tơdrong jang mŭk drăm, tang găn huach kư̆ kă, hơlen tơguăt hăm dôm tơdrong tơchơ̆t jang vă hơtŏk mŭk drăm, pơ-‘lơ̆ng tơdrong asong jang tĕch pơdro, hơtŏk pơ-‘lơ̆ng tơdrong tơgar jang mŭk drăm kiơ̆ trong jang hơbĕch ‘nao.

Kơdră Kuôk hô̆i pơkăl, pơtoi hơlen, keh đang tơchơ̆t đơ̆ng luơ̆t teh đak, dôm tơchơ̆t tơdrong jang, tơring jang, dêh char tơguăt hăm hơtŏk tơplih pơ-‘lơ̆ng han chĭn. Kơdră Kuôk hô̆i adoi tơrĕk, dôm jăl jang adrin jang đei jơnei dôm tơdrong pơyua ăn tơpôl, tơrĕk truh tơdrong hơrih kon pơlei, hơmet tơnăp dôm tơdrong jang ăn kon pơlei sơnăm ‘nao 2024 păng Têt Nguyên đán Giáp Thìn, vei sơđơ̆ng rim unh hnam, rim bơngai adoi pơchơt Puih mak, sơng Têt tơnŏ.