Thủ tướng Teh đak kŭm gô vang Hop akŏm Kơdră tih Tơdrong jang hơdai mŭk drăm Ayeyawady-Chao Phraya-Mekong ‘măng mă 10, Hop akŏm Tih Jang hơdai Campuchia-Lào-Myanmar-Việt Nam ‘măng mă 11 păng bơ̆jang tơ̆ Trung Quốc. ‘Măng năm bơ̆jang ‘măng ‘nâu đơ̆ng Thủ tướng Phạm Minh Chính truh tơ̆ Trung Quốc đei hơmĕng pơtrŭh lơ nơ̆r pơma ‘lơ̆ng hơiă truh tơring păng tơpôl apŭng plĕnh teh.

‘Măng năm bơ̆jang kŭm vă pơvei tơdrong hơtŏk tơiung ‘lơ̆ng hơiă đơ̆ng tơdrong pơvei Việt Nam-Trung Quốc, hơnơ̆ng pơm ‘lơ̆ng tơdrong hlôh vao atŭm gĭt kăl 2 păh iŏk đei lơ̆m ‘măng năm bơ̆jang tơ̆ Trung Quốc đơ̆ng Tổng Bí thư Tô Lâm (khei 8/2024); pơvei pơma dơnuh, tơƀơ̆p kơdră kơpal, hơtŏk đon lui chĭnh trĭ, pơtrŭt jang dai ‘lơ̆ng đơ̆ng 2 teh đak, pơtrŭt tơdrong pơvei Việt Nam-Trung Quốc, pơđĭ tơ̆ trung ương păng tơring, hơtŏk tơiung sơđơ̆ng, hiôk, kơjăp ‘lơ̆ng.