‘Măng năm tơmang jing gru kơnăl kăp gĭt, tơbang tơdrong tơbôl hơtŏk tơ-iung ‘lơ̆ng rŏ kơ 2 teh đak. Lơ̆m ‘măng năm pơm jang, Thủ tướng teh đak bơ̆n Phạm Minh Chính hlôi đei lơ tơdrong jang kăp gĭt hăm 34 tơdrong jang hăm jơnŭm pơgơ̆r dôm anih jang mŭk drăm, anih juăt jang hơgei, bơngai jang khua hŏk, dôm anih jang tơbôl, jơnŭm jang phi chĭnh phuh.

Đe Kơdră teh đak Hàn Quốc sơkơ̆t hơdah pơtoi lăng Việt Nam jing teh đak jang hadoi kăp gĭt vă hơtŏk (ODA); gô tơgŭm hơtŏk tơdrong hơbĕch ăn dôm anih jang mŭk drăm Việt Nam vang jang tơnăp hloh lơ̆m tơdrong asong pơm jang kơ dôm anih jang mŭk drăm Hàn Quốc. Ƀar pah drơ̆ng nơ̆r hơtŏk jang hadoi pơjing asong jang gah tơmo kăp gĭt vă vei sơđơ̆ng tơpôl jang mŭk drăm kơ 2 teh đak.