Tơ̆ pơgê, rim hŏk tro pơlong ƀai Khoa học tự nhiên, dăh mă Khoa học xã hội, tơ kơsơ̆ pơlong Nơ̆r Teh đak đe. Pơ đĭ 3 ƀai pơlong au jei pơlong kiơ̆ trong  vat. Lơm au, ƀai pơlong Khoa học tự nhiên đei 3 môn pơlong ‘noh Vật lý, Hoá học păng Sinh học; ƀai pơlong Khoa học xã hội đei rim mon pơlong ‘nŏh Lịch sử, Địa lý păng Giáo dục công dân hăm hŏk tro jăl pêng dăh mă pơlong môn Lịch sử, Địa lý hăm rim hŏk tro hok hnam trương jăl pêng Giáo dục thường xuyên.

Hăm dôm ƀai pơlong au ăn pơm ƀai đunh lơ̆m 50 pơnĭt. Kiơ̆ đơ̆ng Hơnih tơm vei lăng Hnam trương pơtho pơhrăm chih jô̆, akŏp hŏk tro chih hơnăn pơlong ƀai Khoa học tự nhiên ‘noh hloh 323.000 ‘nu hŏk tro păng pơlong ƀai Khoa học xã hội ‘noh hloh 566.000 ‘nu oh. Lơ̆m năr brei, Hơnih tơm vei lăng Hnam trương pơtho pơhrăm hlôi chih pơtruh hla bơar ăn Kơdră chĕp pơgơ̆r Hơnih vei lăng kon pơlei rim dêh char, pơlei tơm găh atŏk kơtang rim trong vei lăng sơđơ̆ng ăn ‘Măng pơlong jăl pêng 2023, lăp đơ̆ng rŏng đei tơdrong tơ̆ ‘ngoăih băt đê pơlong Ngữ văn păng Toán đe tăh lơ̆m mạng tơpôl.