‘Măng pơlong tuch luch Rapor kơtă đei vang năm đơ̆ng 33 hơnih. Rim ƀai vang pơlong ‘Măng pơlong tuch luch rapor kơtă ưh khan lăp tơƀôh hơdăh nơ̆r ƀơ̆r pơma kơ bơngai jang rapor hăm tơmoi đei hơvơn mă lei oei tơƀôh hơdăhj dôm tơdrong hơrih sa yan ou, dôm tơdrong mă tpơpôl lăng truh.

Nhà ƀăo Trần Minh Hùng - Kơ iĕng Kơdră chĕp pơgơ̆r Radiô Nơ̆r Pơma Việt Nam akhan, rim hơnih vang năm pơlong hlôi hơmet tôch kơ brĕ ăn ‘măng pơlong tơdrong bơ̆ jang hưch hanh hơmanh bơnê hloh tơ̆ rim ‘Măng pơlong, sơkơ̆t hơdăh, rapor kơtă tơƀôh hơdăh tơdrong hơrih sa yan ou ăn kon pơlei ƀôh hơdăh. ‘Măng pơlong ou đei pơgơ̆r lơ̆m 4 năr, đơ̆ng năr ou (8/7) truh năr 11/7, rim ƀai pơlong đei rapor kơtă, livestreams lơ̆m rim hơnih jang kơtơ̆ng ang.