Kơsô̆ chih jô̆ đơ̆ng 63 Khul pơgơ̆r thi kơ dôm dêh char, plt, kơsô̆ hŏk tro năm thi ƀai Khoa học tự nhiên đei hlŏh 99,7% pơtêng hăm kơsô̆ hŏk tro chih măt păng kơsô̆ hŏk tro thi ƀai Khoa học xã hội đei hlŏh 99,6% pơtêng hăm kơsô̆ hŏk tro chih măt.

Anih tơm vei lăng pơtho pơhrăm tơroi, nơ̆r tơroi đơ̆ng dôm Khul pơgơ̆r thi, dôm jơ thi Khoa học tự nhiên păng Khoa học xã hội đei pơgơ̆r tơpăt ‘lơ̆ng, trŏ tơdrong hơgăt. Tơchĕng blŭng a đơ̆ng đe hŏk tro thi, thây kô păng tơpôl, đê thi ƀai thi Khoa học tự nhiên păng ƀai thi Khoa học xã hội đei lăm jăl hŏk THPT, ‘moi kiơ̆ tơdrong hlôh vao, lăp hăm kơsư̆k hŏk pơhrăm đơ̆ng hŏk tro, gơ̆h rơih đei hŏk tro hŏk gơ̆h dăh ưh.