‘Mi prel đei tơ̆ lơ tơring lơ̆m plt Đà Lạt păng 1 păh apŭng Lạc Dương, dêh char Lâm Đồng. Mă đơ̆ng ‘mi tih đunh đei hloi ‘mi prel tơ̆ 1,2 tơring ră mă lei ưh đei pơm hiong răm lơ găh tơmam, ƀum hơƀo. ‘Nâu đei năng jĭ ‘mi tôch kăp gĭt ăn tơring Lâm Viên đơ̆ng rŏng đunh khei ‘năr tŏ hang kơnê̆.

Kŭm hăm plt Đà Lạt păng apŭng Lạc Dương, 1,2 tơring găh apŭng Đam Rông, Lâm Hà păng plt Bảo Lộc kŭm đei ‘mi ‘năi. Lơ̆m noh, ‘mi ƀât kơsơ̆ ‘năr 30/3 tơ̆ xăh Đạ K’Nàng, apŭng Đam Rông kŭm đei ‘mi prel. ‘Mi prel tơ̆ Lâm Đồng ‘nŏh jĭ tơdrong ưh kơchrih kiơ, mă lei ‘mi prel đei hloi ƀât ‘mi jruh blŭng păng đei tơ̆ tơring thŭng Đam Rông, tơring groi kông Đà Lạt, ‘nŏh jĭ tơdrong đơ̆ng sơ̆ hui kơ đei.