Tơdrong tơm pơm ăn yua đơ̆ng lơ̆m tơring đei ‘mi tih pơdui đunh hơnơ̆ng pơm ăn teh tơ̆ groi kông hơlih ƀŭ kơlơ̆p ‘long pơtăm păng hnam lê̆ gre kơ kon pơlei. Pŭn ai ưh kơ đei pơm ăn hiong răm găh bơngai. Khŭl pơgơ̆r Anih tang găn ‘mi kial pơrăm păng tơchă dŏng sar bar kơ xăh hlôi đei măt tơtom, tơgŭm yông 4 ŭnh hnam, 15 ‘nu bơngai truh tơ̆ hơnih sơđơ̆ng.

Khŭl pơgơ̆r Anih tang găn ‘mi kial pơrăm păng tơchă dŏng sar bar kơ apŭng M’Drắk, dêh char Đắk Lắk hlôi năm hơlen lăng yan âu păng athei xăh vei sơđơ̆ng tơmam kăl ăn kơ dôm ŭnh hnam tơklăih păng đei trong jang yông dôm ŭnh hnam tơ̆ tơring đei hơmơt teh hơlih lơ truh tơ̆ hơnih oei sơđơ̆ng hơdrol kơ jơ năr ‘mi kial hơbŭt kơ sô̆ 6 ƀơm ưh kơ ‘lơ̆ng, veh ver lê̆ đei hiong răm găh bơngai.